TIRANA PRIDE, 20 MAJ, ORA 17:00, REJA!
A guxoni të hapni zemrën dhe të ecni përpara? Ne, po!
 
Këtë muaj Maj, shënojmë fillimin e dekadës së dytë të luftës për njohje, të drejta dhe barazi për komunitetin LGBTI+ në Shqipëri. Parada e Krenarisë, e cila nisi nga një grupim i vogël aktivistësh, të cilët mes frikës dhe tymit të shashkave në sheshin ‘Nënë Tereza’, gjetën guximin për të bërë hapat e parë drejt një shoqërie më të drejtë dhe solidare, është kthyer sot në një moment shprese dhe frymëzimi për të gjithë shoqërinë.
 
Parada e Krenarisë këtë vit do të mbahet nën tymin e një fenomeni edhe më shqetësues sesa shashkat dhe urrejtja e disa individëve. Këtë vit marshojmë në një bulevard që po zbrazet nga të rinjtë dhe të rejat dhe nga komuniteti LGBTI+, në një qytet ku institucionet kryesore ende heshtin dhe mohojnë njohjen e të drejtave të komuniteteve më në nevojë.
 
Mblidhemi në kryeqytet, por jo larg përditshmërisë dhe problemeve të periferisë, ku dhuna verbale, emocionale dhe shpeshherë fizike, mbyt shpresën e të rinjve dhe të rejave LGBTI+ për një të ardhme më të mirë, ku të mund të jetojnë veten e tyre të vërtetë.
Marshojmë në Tiranë, ku pavarësisht fasadava shumëngjyrëshe dhe imazhit të një sigurie të rremë, jeta jonë, e komunitetit tonë, duhet jetuar ende mes frikës dhe e mbyllur mes katër mureve. Marshojmë me besim të plotë se urrejtja që na sulmon dhe homofobia/transfobia që përpiqet të na frikësojë, nuk do të arrijë asnjëherë të mbysë shpresën dhe frymëzimin tonë. Do të jemi me qindra në paradë, por me mijëra në çdo qytet të Shqipërisë, sepse ne jemi miqtë e familjarët tuaj, profesionistët që kujdesen për ju, mësuesit që edukojnë fëmijët tuaj dhe policët ju mbrojnë ju dhe shoqërinë. Jemi gazetarët dhe folësit e të vërtetës, avokatët dhe punonjësit socialë, inxhinierët, akademikët, artistët e Tiranës dhe punëtorët e periferisë. Jemi këtu për të qëndruar, për të mbrojtur të drejtën tonë për njohje, familje dhe për të jetuar dashurinë tonë me gjithë ngjyrat e saj përtej katër mureve dhe kufinjve ku homofobia dhe transfobia përpiqen të na mbajnë të mbyllur.
 
Marshojmë në Tiranë mes mijëra fytyrash të qeshura, të cilat përtej çdo sfide ende janë shpresëplotë se dashuria e tyre do arrijë të mposhtë çdo konstrukt të moralit të rremë të shoqërisë sonë. Do jemi aty midis familjeve të reja queer, çifteve dhe fëmijëve që po rriten me dy nëna apo dy baballarë, mes vajzave dhe djemve transgjinorë që frymëzojnë në komunitetet e tyre. Do jemi mes qindra prindërve që mbështesin fëmijët e tyre, gjyshërve, motrave e vëllezërve që mezi presin të njohin ngjyrat tona të vërteta. Pas shumë vitesh në errësirë dhe pas një dekade aktivizëm, do vazhdojmë të ngrihemi mbi tymin dhe errësirën që përpiqet të mbysë shpresën tonë, për të drejtat tona dhe për të drejtat e atyre që shoqëria nuk i mbështeti për vite të tëra.
 
Ketë muaj Maj, vimë ashtu siç ne dimë më mirë, plot me ngjyra dhe me zemër të hapur për më shumë dashuri dhe solidaritet. Ne jemi gati, a guxoni edhe ju?
Hape zemrën për dashni!
 
 

Prindër e fëmijë, të rinj e të reja ishin pjesë e kësaj ekspozite që shfaqte marshimet e komunitetit LGBT ndër vite, ku me shumë guxim është ngritur zëri për atë që ata besojnë, për energjinë, jetën dhe të drejtën e dashurisë.

Me fjalë të bukura, e fjalë zemre ju themi thjesht, “Flije mendjen plako, ca njerëz janë GAY”. 



Agjenda 2030, ka hyrë në dekadën e saj të fundit të veprimit. Objektivat e Zhvillimit të Qëndrueshëm janë kthyer në pika referimi për zhvillimin e politikave afatgjata e të qëndrueshme që sigurojnë mirëqenie dhe gjithëpërfshirje të qytetarëve në të gjithë botën.

Edhe Shqipëria, përkrah që në fillesat e saj Axhendën 2030 dhe objektivat e Zhvillimit të Qëndrueshëm, por në kontektin shqiptar si po zbatohen këto objektiva dhe cili është rezultati që ato po prodhojnë?

Aleanca LGBT, mbështetur nga Swedish RSFL dhe nën kujdesin e juristes Dea Nini, kanë kënaqësinë të ndajnë me publikun e gjerë raportin RISA, mbi implementimin e Objektivave të Zhvillimit të Qendrueshëm, në një perspektivë LGBTI+ në kontekstin e Shqipërisë.

Raporti RISA vjen në kuadër të Platformës së Zhvillimit të Qëndrueshëm të Kombeve të Bashkuara dhe synon të hedhë dritë mbi nivelin aktual të implementimit të Agjendës 2030 dhe Objektivave të Zhvillimit të Qëndrueshëm nga perspektiva e komunitetit LGBTI+, duke përfaqësuar raportin e parë shqiptar të të njëjtit lloj.

Agjenda 2030 dhe 17 objektivat e saj, si një plan unik veprimi me shtrirje globale, mbartin mundësinë dhe potencialin e të qenit faktorë ndryshimi social dhe llogaridhënieje në benefit të kauzave sociale.

Para së gjithash ky raport u krijua si një mjet informimi dhe advokimi në duart e vetë komunitetit LGBTI+ dhe profesionistëve të të drejtave të njeriut në këtë dekadë të fundit të implementimit të Agjendës 2030, por edhe si një përgjigje ndaj Rishikimit të vetëm Vullnetar të paraqitur nga Qeveria Shqiptare gjatë Forumit të Lartë Politik- New York 2018.

“Në kohën që po jetojmë, të dhënat që raportohen për situatën e të drejtave të
njeriut në përgjithësi duket të jenë jo brenda kontureve të pritshmërive në drejtim të avancimit dhe realizimit progresiv. Pandemia që Bota po përjeton rishtazi, qartësisht ka ndikuar dhe me gjasë do të ndikojë të drejtat themelore në rend regresiv në të ardhmen veçanërisht në vende me demokraci të brishta si Shqipëria dhe sfidat e shumëfishta që këto vende do të duhet të përballojnë.”, shkruhet në hyrje të raportit.

“Është themelore në procesin e avancimit progresiv, të respektimit, mbrojtjes e përmbushjes së të drejtave themelore, kryerja e kërkimeve sistematike si dhe mbledhja e të dhënave lidhur me intolerancën dhe diskriminimin për shkak të orientimit seksual dhe identitetit gjinor, përfshirë sondazhet për qëndrimin dhe qasjet e vetë komunitetit LGBTI+.”

Raporti analizon në detaje zbatueshmërinë e objektivave dhe potencialin e tyre në krijimin e një shoqërie më të drejtë e tolerante ndaj komunitetit LGBTI+.

Për më shumë detaje, po ndajmë me ju dhe raportin e plotë në lidhjen e mëposhtme.

Implementimi i Objektivave të Zhvillimit të Qëndrueshëm në Kontekstin Shqiptar.
Perspektivë LGBTI+Shkarkoje

“Në fillimet e karantinimit, përpjekja ime për të ruajtur qetësinë, për të mbushur ditët me gjithçka mundja për të mos u ndjerë e kufizuar, funksionoi. Kur kjo zgjati, gjithçka nisi të bëhej mbytëse. Njerëzit ishin po të njëjtit dhe ata po bëheshin të tepërt”.

Kështu rrëfehet Inesi*, një vajzë lesbike, teksa kujton si gradualisht pandemia erdhi duke e rënduar atë emocionalisht çdo ditë, privuar nga liria për të lëvizur dhe për të gëzuar momente ku ajo mund të jetë vetvetja.

Trajnimi i trajnerëve mbi çështjet LGBTI+ me Policinë e Shtetit

Ditën e sotme, në kushte të reja pandemie, nisi të mbahet online trajnimi i trajnerëve në Akademinë e Sigurisë mbi çështjet LGBTI+ dhe se si strukturat e Policisë së Shtetit mund të adresojnë më mirë rastet e dhunës apo diskriminimit ndaj personave LGBTI+ në Shqipëri.

Pandemia e shkaktuar prej Sars-Cov2 duket se ka përqëndruar të gjithë burimet e sistemit tonë shëndetësor në trajtimin e rasteve të të prekurve nga virusi dhe gjurmimin e tyre për të ndaluar përhapjen e mëtejshme në komunitet.

Por me kapacitetet e strukturave të shëndetit publik drejt mbingarkesës dhe vëmendjen e të gjithë publikut të përqëndruar te koronavirusi i ri, rreziku i mostrajtimit të sëmundjeve të tjera kronike, midis tyre dhe sëmundjeve seksualisht të transmetueshme sa vjen e shtohet.

Teksa zgjedhjet në Shtetet e Bashkuara janë në prag të tyre (3 nëntor 2020), kandidatët janë në kulmin e fushatës së tyre.

Demokrati Joe Biden, ka nominuar për zëvendëspresidente të SHBA, Kamela Harris, një mike të komunitetit LGBTI, ndërsa republikani Donald Trump do të kandidojë përsëri me të nominuarin për zv.President Mike Pance.

 

Bosnja e Hercegovina, po mban sot paradën e dytë të krenarisë, e cila për shkak të situatës së krijuar nga koronavirusi po mbahet online.

Në BiH, është mbajtur një vit më parë, për herë të parë në këtë vend parada e krenarisë, e cila u zhvillua mes tensioneve dhe masave të larta të sigurisë.

 

 

Varshavë- Qindra nacionalistë polakë dhe mbrojtës të të drejtave LGBT u përleshën me njëri-tjetrit në anët e kundërta të një rruge në Varshavën qendrore të Dielën.

Nacionalistët dogjën një flamur LGBTI, ndërsa aktivistët LGBT pikturuan një tjetër flamur në rrugë. Grupet të cilat i ndanin një  kordon me automjete të policisë, lëshuan thirrje kundër njëri-tjetrit.

https://i0.wp.com/www.historia-ime.com/wp-content/uploads/2020/08/bek.png?resize=859%2C602&ssl=1

Delegacioni i Bashkimit Evropian në Republikën e Maqedonisë së Veriut ka dënuar përmes një deklarate sulmin personal dhe kërcënimet me vdekje ndaj aktivistit LGBTI Bekim Asani, dhe kërkon që sistemi i drejtësisë penale të hetojë çështjen, me qëllim që autorët të sjellin para drejtësisë.

“Respektimi i të drejtave të njeriut dhe sundimi i ligjit janë gur themeli i Bashkimit Evropian, ku çdo individ i mban këto të drejta, pavarësisht nga orientimi i tyre seksual.

Faqja 1 di 9