Aktorët e serialit Queer Eye në Netflix duket sikur janë të vendosur të sjellin një ndryshim në botë.
Aktorët e “Fab Five” – Tan France, Jonathan Van Ness, Bobby Berk, Karamo Brown dhe Antoni Porowski – flasin hapur në Queer Eye rreth veshtirësive personale dhe eksperiencave të tyre me homofobinë dhe diskriminimin. Ata shpresojnë që me famën e tyre të sapo fituar të fuqizojnë komunitetin LGBTQ.
“Thjesht fakti që të qënit vetvetja në Queer Eye ka fuqizuar shumë njerëz, të rinj e të vjetër dhe i ka bërë ata të ndihen rehat me veten e tyrë dhe me vendin që zënë në këtë botë është diçka që më motivon,” tha Van Ness në një intervistë për Refinery29. “Kur njerëzit më tregojnë sesi ndihen kur më ndjekin në Queer Eye, më bën të kuptoj sesa të shtypur jemi akoma.”